Home Publicitet Rita Ora zbulon datat e 23 koncerteve të turneut “Phoenix”

Rita Ora zbulon datat e 23 koncerteve të turneut “Phoenix”

14
SHARE

Rita Ora është një ndër këngëtaret më të kërkuara të momentit në arenën ndërkombëtare.

Ajo së fundi u bë temë e mediave rozë botërore në saje të maskimit si reperi amerikan, Post Malone, me rastin e festës së Halloweenit.

Por, këngëtarja nuk e ka ndërmend të ndalet edhe sa i përket koncerteve të ndryshme anembanë globit.

Në fakt, ajo ka planifikuar që të nis një turne koncertesh pas nxjerrjes në shitje të albumit të dytë në karrierë, ‘Phoenix’.

Biondina ka zbuluar se deri më tani do të mund ta shohim në 23 koncerte të ndryshme, ku Kosova nuk është për momentin në itinerarin e shqiptares, por që data të tjera do të shtohen gjatë ditëve në vijim.

“Jam e emocionuar t’iu shoh të gjithëve në finale!! Do të ketë shumë argëtim. Ejani dhe çmenduni me mua në turneun vitit të ardhshëm! Biletat e Pheonix Tour do të dalin në shitje më 31 tetor gjersa gjatë ditëve në vijim do të shtohen më shumë data! Ku do të të shoh?!”, ka shkruar Rita në rrjetet sociale.

Ndryshe, Albumi që do të përmbaj 16 këngë do të dal në shitje më 23 nëntor, i cili premton se do të përmbaj këngë të jashtëzakonshme.