Home Publicitet Videoklipi i Taynas nuk është i kopjuar, regjisori Alban Selimaj sqaron konceptin...

Videoklipi i Taynas nuk është i kopjuar, regjisori Alban Selimaj sqaron konceptin e klipit

19
SHARE

Videoklipi më i fundit që shkaktoi bujë ishte ai i Taynas.

“Pow Pow” u pëlqye shumë nga publiku, sidomos për videoklipin.

Regjisori Alban Selimaj qëndroi prapa videoklipit, duke qenë kështu një prej prodhuesve më të kërkuar të videoklipeve.

Media të ndryshme kanë raportuar se Tayna e ka kopjuar këtë videoklip dhe konceptin e tij.

Por, është regjisori Selimaj që ka mohuar një gjë të tillë se mund të jetë inspiruar nga ndonjë klip tjetër.

“Sandy Skoglund është artistja e artit konceptual dhe fotografe shumë e famshme, Spita, Lady Gaga e shhumë artistë të tjerë janë inspiruar nga fotot e saj. Kanë bazuar konceptet në fotot e saj”.

“Unë jam inspiruar nga fotografia e saj e cila u realizua 30 vjet më parë, dhe prej asaj foto kemi bërë edhe skenografinë për Taynan, që është absolutisht artistja më në trend tani në trojet shqipfolëse”.

Foto e realizuar 30 vjet më parë nga Skoglund

“Këto sulme janë nga rivalë të Taynas dhe nga dashakëqinjt e punës time. I vetmuar duke bashkëpunuar me artistët, kemi ndryshuar gjithë mënyrën se si realizohen videoklipet. Ne nuk bëjmë vetëm klipe, por bëjmë art”, u shpreh Selimaj për Telegrafin.

Selimaj ka realizuar së fundmi edhe videoklipet e Mozzikut, S4mmit e shumë artistëve të tjerë.

Ndërkaq, “Pow Pow” për një javë ka arritur afro tre milionë klikime. /Telegrafi/