Ballina Lajme Nga Vendi Qeveria e Kosovës i del në ndihmë Luginës së Preshevës

Qeveria e Kosovës i del në ndihmë Luginës së Preshevës

SHPËRNDAJE

Kosova e Shqipëria janë marrë vesh që të ndajnë secila nga 70 mijë euro, për t’ua blerë fëmijëve të Luginës së Preshevës, Medvegjës e Bujanocit, librat shqip, si dhe materiale të tjera shkollore. Drejtuesit politik të shqiptarëve të kësaj ane, e vlerësojnë këtë ndihmë.

Qeveria e Kosovës dhe ajo e Shqipërisë do t’ua heqin shpenzimet prindërve të fëmijëve të Luginës së Preshevës, Medvegjës e Bujanocit, për librat shqip si dhe për materiale të tjera shkollore.

Të dy qeveritë do të ndajnë për këtë çështje nga 70 mijë euro secila, raporton RTV Dukagjini, përcjell Telegrafi.

“Jemi pajtuar që kërkesën për mbështetje në vlerë prej 140 mijë euro t’i përgjigjemi me pjesë të barabarta prej 70 mijë euro. Këto mjete planifikohet të ndahet nga rezervat, prandaj kërkoj aprovimin tuaj për ndarjen e mjeteve për mbulimin e kostos librat në gjuhën shqipe për nxënësit e Luginës”, ka deklaruar zëvendësministri Agim Krasniqi./RTV Dukagjini/