Ballina Aktuale Haxhi Krasniqi e nokauton Boselin, kampion bote

Haxhi Krasniqi e nokauton Boselin, kampion bote

SHPËRNDAJE

Nga: Kemajl Goca

(E plotësuar) – Mrekulli, Haxhi Krasniqi është mbreti botës. Shqiptari i parë në histori të boksit, kampion i botës në versionin WBA/IBO në kategorinë gjysmë të rëndë.

Haxhiu eksplodoi në rundin e tretë! E djathta e Krasniqiit sikur bombë! E treta e vërteta, ashtu si i ka hije kryetrimit shqiptar nga Kosova. Djaloshi nga Juniku shkruan historinë e kombit shqiptarë në boksin profesionistë. I pari shqiptar që fitoi titullin e botës.

Sa i fuqishëm trimi ynë, sa i papërmbajtshëm, sa gjermanin e la të shtrirë me një goditje të tmerrshme. 

Dominic Bosel gjatë shumë gjatë do të mbajë mend këtë nokaut! Një nokaut i tmerrshëm për gjermanin  dhe në anën tjetër miliona shqiptarë në festë!

Haxhiu ynë, nuk ka lejuar të shkojë meçi në 12 runde, jo, jo, jo, e kreu në rundin e tretë. Krasniqi ka shënuar fitoren e 51 në karrierë, 19 me nokaut! Zemra e shqiptarisë! Haxhiu sot gëzoi pamasë miliona shqiptarë! Haxhiu dha besën  para disa ditëve për fitore, edhe mbajti besën! Të lumtë! Bosel e dorëzon titullin e kampionit.

Krasniqi dy herë ka luftuar për titullin e botës por nuk ia kishte dalur, por sonte shkëlqeu ose siç thonë në popull: E treta e vërteta!!

Dy raundat e parë po ashtu ishin më të mirë për Krasniqin derisa në raundin e tretë Bosel kërkonte ta gjente më lirë junikasin por që nuk ja doli, pasi që Krasniqi goditi dhe pas dy tentimeve e rrëzoi atë.ImageFOTO GALERI

Rundi i parë, duke matur forcat dhe nuk ka pasur ndonjë goditje të fortë. 

Filloi lufta e madhe!

Gjjithçka gati, 2 mijë veta në Magdeburg, aq sa e lejon rregullat e reja për shkak të pandemisë. Intonohet himni gjerman. 

 Live: Haxhi Krasniqi në ring më këngën Kuq e ZiImageFOTO GALERI

Emocione të pafundme, Haxhi Krasniqi kërkon titullin e parë të botës në versionin WBA/IBO kundër gjermanit Dominic Bosel.ImageFOTO GALERI

Gjithçka gati, brenda 10 apo 20 minutave pritet të filllojë meçi! Boksierin e Kosovës, Haxhi Krasniqi, edhe një orë e ndanë nga meçi i madh në luftë për titullin e botës!

Krasniqi ndeshet me gjermanin Dominic Bosel nga Gjermania.

Meç që pritet me emocione mes dy boksierëve.

Bosel mbron titullin e botës në versionin WBA / IBO në kategorinë gjysmë të rëndë.

Krasniqi synon titullin e botës, për herë të parë në histori, pasi dy herë nuk ia ka arritur qëllimit. A do të jetë e treta e vërteta, do të shihet sonte më Magdeburg, rreth orës 23.15.