Cristiano Ronaldo është prezantuar në një ceremoni madhështore te klubi i Arabisë Saudite, Al Nassr.
Stadiumi “Mrsool Park” ishte i stërmbushur me tifozë, të cilët me padurim presin ta shihnin yllin portugez në fushë me fanellën e ekipit të tyre.
Pas konferencës për shtyp dhe njohjes me bashkëlojtarë dhe stafin e trajnerëve, ishte koha për tifozët në tribuna, pasi shumë prej tyre po mbanin fotografi të Ronaldos.
Ai doli nga një tunel ku shkruhej emri i tij dhe ishin ngjyrat e klubit, ndërsa me të dal nga to filloi zhurma e madhe në stadium, ndërsa fëmijët kishin krijuar një tunel në hyrje të fushës, ku CR7 të gjithë i përshëndeti.
Pastaj ia mbajti një fjalim të shkurtër, për të kaluar pak kohë me tifozët, ku në drejtim të tyre gjuajti disa topa të nënshkruar nga ai.
Në fund edhe familja e tij u fut në fushë, gruaja me fëmijët, për të përshëndetur të pranishmit.
Në një “Forca Al Nassr’ në gjuhën arabe mbyll prezantimi i yllit të madh.
Cristiano Ronaldo ka mbërritur mbrëmë në Arabinë Saudite dhe sot i ka mbyllur të gjitha marrëveshjet me klubin, ku do të jetë lojtari më i paguar në histori me 200 milionë euro në vit. /Telegrafi/