![Takimi-komun-696x522](http://jetapress.com/wp-content/uploads/2017/06/Takimi-komun-696x522.jpg)
Me fillim nga ora 10:00 e ditës së sotme, përfaqësues të Fondacionit gjerman Konrad Adenauer, z.Walter Glos dhe z. Norbert Beckam – Dierkes u pritën në kabinetin e kryetares nga e para e komunës së Preshevës, znj. Ardita Sinani.
Fillimisht kryetarja Sinani u dëshiroi mirëseardhje mysafirëve.
Ata u interesuan për gjendjen në arsimin fillor dhe të mesëm për sa i përket problematikës me tesktet shkollore, por edhe gjendjes së infrastrukturës në objektet e shkollave në komunën e Preshevës, ku nga përfaqësuesit e Fondacionit morën zotimin se do të bëjnë përpjekje maksimale për zgjidhjen e këtij problemi shumë të ndieshëm.
Me këtë rast e para e komunës i njoftoi se banka gjermane nëpërmjet Ministrisë së punës dhe mirëqenies sociale kanë ndarë mjete në lartësi prej 50.000 Eurove donacion për sallën e edukatës fizike në shkollën fillore “Prof. Ibrahim Kelmendi” në Preshevë.
Temë tjetër me rëndësi jetike sidomos për të rinjtë e komunës së Preshevës, ishte problematika e procedurave të stërzgjatura për nostrifikimin e diplomave të univerziteteve të Shqipërisë dhe Maqedonisë, dhe problemit ende të pazgjidhur me nostrifikimin e diplomave të Kosovës.
Z. Glos dhe z. Beckam – Dierkes u zotuan se do të bëjnë përpjekje që të ushtrojnë ndikimin e tyre për zgjidhjen e këtij problemi shumë ti ndieshëm, problem ky që po reflekton me largim të rinjëve të komunës tonë në drejtim të shteteve perëndimore.
Në përfundim të këtij takimi, përfaqësuesit e Fondacionit gjerman Konrad Adenauer dhe kryetarja e komunës u dakorduan për një takim të rradhës gjatë muajit tetor.