![29547046_1587686571345926_1347126751_n](http://jetapress.com/wp-content/uploads/2018/03/29547046_1587686571345926_1347126751_n.jpg)
Dje, më 23 mars, në Dobrosin të Bujanocit, Organizata e Veteranëve të Luftës të UÇPMB-së, bëri homazhe tek varrezat e dëshmorëve, me rastin e 17 vjetorit të rënies heroike të dëshmorit të kombit Daut Sulejmani.
Dëshmori i kombit Daut Sulejmani, ishte ushtari më i ri i Zonës Operative të Dobrosinit, në të cilin vendbanim të brezit kufitar, për herë të parë doli në skenë UÇPMB-ja, u vendos shtabi i përgjithshëm dhe mori epitetit simboli i rezistencës kombëtare.
Në ceremonialin e homazheve tek varrezat e dëshmorëve, mori pjesë kryetari i OVL të UÇPMB-së, Bejtullah Bejtullahu, me bashkëpunëtorët e tij, të cilët më pas vizituan familjen e dëshmorit Daut Sulejmani.
Vlen të theksohet se këto homazhe janë të parat në Dobrosin, të cilat organizohen pa praninë e të ndjerit Jonuz Musliu, ish drejtor politik i Shtabit të Përgjithshëm të UÇPMB-së, ish kryetar i Kuvendit Komunal të Bujanocit dhe ish kryetar i Këshillit Kombëtar Shqiptar, i cili ishte bërë sinonim i këtyre përvjetorëve të lavdisë kombëtarë, njofton jetapress.