![257068-s7Js7zjOEV](http://jetapress.com/wp-content/uploads/2018/04/257068-s7Js7zjOEV.jpeg)
Japonia është vendi më i plakur në botë dhe pavarësisht stimulimeve të qeverisë për çiftet e reja për të lindur fëmijë, situata nuk është përmirësuar.
Ekspertët dhe sociologët japonezë thonë se pengesa më e madhe është kultura vendase, që duhet të ndryshojë.
E si për të ilustruar këtë pretendim të tyre, nga vendi ishullor mbërrin një lajm i çuditshëm. Mediat japoneze shkruajnë se një çift ka kërkuar ndjesë pasi gruaja kishte ngelur shtatzënë pa pritur radhën.
Gruaja punonte në një qendër private për kujdesin e fëmijëve në veri të Japonisë kur mësoi se ishte vetë shtatzënë. Por, koha e shtatzënisë së saj duket se nuk ishte përputhur me grafikun e hartuar nga drejtuesi i qendrës së kujdesit, i cili kishte “planifikuar” për të gjitha punonjëset se kur mund të martoheshin dhe kur duhet të ngelnin shtatzënë.
Ky nuk është një rast i izoluar në Japoni. Në shumicën e kompanive private aplikohen grafikë që përcaktojnë se kur punonjëset femra mund të ngelin shtatzënë dhe kur jo.