![DwayneJohnosn-e1523279530559-780x439](http://jetapress.com/wp-content/uploads/2018/04/DwayneJohnosn-e1523279530559-780x439.jpg)
Dwayne ‘The Rock’ Johnson do ta rikthejë nostalgjinë e fansave të tij nga WWE me filmin “Fighting With My Family”. Në filmin e ri, ish-ylli i WWE luan vetveten duke u shfaqur në rolin e ‘The Rock’.
Gjatë një pjese të shkurtë nga filmi që është publikuar këto ditë, ai u jep këshilla dy të rinjve (yllit të WWE, Paige dhe vëllait të saj, Zak) që duan të bëhen mundës duke u thënë se duhet të japin gjithçka.
Dwayne ‘The Rock’ Johnson (Foto: Getty Images)
Vet Johnson është producent i filmit së bashku me komikun Nick Frost, kurse “Fighting With My Family” tregon ngjarjen e superyllit të WWE, Paige dhe familjes së saj, The Bevises, në ngritjen e tyre drejt famës.
Fansat e WWE-së duan ta shohin kthimin e ‘The Rock’ në ring, pas rikthimit të shkurtër triumfues në muajin janar.
Mirëpo, aktori së paku përmes ekranit do t’ua japë mundësinë që ta shohin atë duke portretizuar personalitetin e tij të dytë.
Saraya-Jade Bevis, e njohur si Paige (Foto: Getty Images)
Skenari i filmit është i bazuar në jetën e Paige, emri i vërtetë i të cilës është Saraya-Jade Bevis.
Pjesë e filmit janë edhe Lena Headey, Vince Vaughn, Florence Pugh dhe shumë të tjerë, ndërsa “Fighting With My Family” pritet të dalë nëpër kinema në vitin e ardhshëm. /Telegrafi/