![berat-djimsiti-andrea-nalini-benevento-crotone-serie-a_2mflv4zt8h8m158u0972wxwo8-780x439](http://jetapress.com/wp-content/uploads/2018/04/berat-djimsiti-andrea-nalini-benevento-crotone-serie-a_2mflv4zt8h8m158u0972wxwo8-780x439.jpg)
Berat Gjimshiti po shkëlqen këtë edicion në Serie A me fanellën e Beneventos.
Mbrojtësi shqiptar ka qenë ndër më të mirët në fushë edhe në ndeshjen e kaluar ndaj Milanit ku triumfuan 0-1.
Nga grumbullimi me skuadrën e Beneventos, mbrojtësi foli për derbin e Italisë, të ardhmen e tij dhe pritshmëritë nga kombëtarja shqiptare në ‘Zona Gol’ të Supersportit.
“Ishte një takim shumë interesant, me shumë gola dhe përmbysje. Ishte e bukur për çdo tifoz të futbollit. Isha për fitore të Interit, por për fat të keq fitoi Juventusi”, tha Gjimshiti që foli edhe për fitoren që morën ndaj Milanit.
(Photo /Getty Images)
“Ishte një ndeshje shumë e vështirë, por për fat të mirë ia dolëm dhe morëm fitoren. Ishte befasi për shumë njerëz, por ne ia dolëm”.
Qendërmbrojtësi shtatlartë ka folur edhe për të ardhmen e tij, pasi është i huazuar tek Benevento.
“Në fakt tani kemi rënë nga Seria A me Beneventon dhe këtu është një situatë pak e rrëmujshme. Nuk e di ku do jem sezonin e ardhshëm, pasi unë jam i huazuar te Benevento. Kartonin tim e ka Atalanta dhe në fund të sezonit do të vendos bashkë me ta për të ardhmen”, përfundoi Gjimshiti.