![Milani-1-780x439](http://jetapress.com/wp-content/uploads/2018/05/Milani-1-780x439.jpg)
Milani ka fituar me lehtësi ndaj Hellas Veronas me rezultat 4-1 në ndeshjen e vlefshme për javën e 36-të të Serie A.
Skuadra e Gennaro Gattusos ka arritur t’i kthehet rezultateve pozitive duke marr edhe fitoren e dytë radhazi dhe ngjitur në pozitat që e dërgojnë në Evropë.
Pjesa e parë e takimit u dominua nga Rossonerët, të cilët arritën të shënojnë edhe dy gola për të treguar që duan vetëm fitore nga ky takim.
Calhanouglu hapi serinë e golave (Getty Images)
Goli i parë i ndeshjes erdhi pas vetëm 11 minutave lojë, ku Hakan Calhanouglu shënoi për 1-0 pas asistimit nga ana e Susos.
Në minutën e 32-të erdhi edhe goli i epërsisë 2-0, ku Patrick Cutrone shënoi me kthim pas një topi të asistuar nga Giacomo Bonaventura.
Festa e Cutrones pas golit (Getty Images)
Në pjesën e dytë u zhvillua ndeshje paksa më e barabartë, por përsëri Milani shënoi më dy gola, kundrejt një të mysafirët.
Luhej minuta e 49-të kur listës së realizuesve iu shtua edhe Ignazio Abate, i cili shënoi një gol të bukur për 3-0 pas asistimit të Susos.
Abate shënoi një gol të bukur (Getty Images)
Verona arriti të kthehet në lojë me anë të Seung-Woo Lee (85′), i cili shënoi për 1-3, por ishte Fabio Borini (89′) që shënoi për rezultatin përfundimtar 4-1.
Pas kësaj fitore, Milani ngjitet në pozitën e gjashtë me 60 pikë, ndërsa Verona bie nga kategoria pasi gjendet në vendin e 19-të me vetëm 25 pikë. /Telegrafi/