![Mjeket-foto-780x439](http://jetapress.com/wp-content/uploads/2018/06/Mjeket-foto-780x439.jpg)
Sauda Suleiman Amour nga Tanzania, që e kaloi tërë jetën me organet e dala përjashta, është shpëtuar fal intervenimit nga mjekët.
Adoleshentja 19-vjeçare, kishte lindur me një çrregullim në murin abdominal, duke bërë që mëlçia dhe një pjesë e zorrëve t’i dalin prej kërthize – të mbajtura nga një shtresë e hollë lëkure, transmeton Telegrafi.
Të prekurit nga kjo gjendje, zakonisht operohen pak orë pas lindjes, por Sauda pati vetëm dy operime të dështuara, kur ishte pesëvjeçare.
Adoleshentja Sauda
Para katër vitesh, ajo e kishte lënë shkollë, pasi e tallnin duke i thënë se është ‘shtatzënë’, ndërsa ajo kishte brenga të përhershme, nga frika se mbështjellësi mund t’i shqyhej.
Kirurgët është dashur t’ia tërheqin abdomenin – duke shfrytëzuar një procedurë të komplikuar për dy javë, ndërsa përdoren edhe botoks, për t’ia zbutur muskujt, para se t’ia fusin organet sërish brenda.
Organet jashtë abdomenit
Tretmani që bëri në një spital në Chennai të Indisë, rezultoi të jetë i suksesshëm dhe brenda disa ditësh, pritet të kthehet sërish në shtëpi.
“Vajza e gjorë nuk mund të shkonte në shkollë, apo të luante përjashta, për shkak të fryrjes sa një top futbolli. Ajo u desh të kujdesej, ngaqë shpërthimi saj, mund të ishte fatal” kanë shpjeguar mjekët që e trajtuan rastin.
Para operimit
Gjendja e saj nuk është e rrallë, pasi ndodhë në çdo 5,400 linje në Shtete e Bashkuara, por se trajtimi i menjëhershëm nuk lë asnjë pasojë.
Gjatë zhvillimit në mitër, organet e bebes – ku përfshihen zorrët, mëlçia dhe disa organe tjera, rriten të pavarura në një qese transparente përjashta kërthizës. Mirëpo, ato kthehen sërish prapa në javën e 11 të shtatzënësisë, gjë që nuk ndodhi te Sauda.
Intervenimi i kryer me sukses
Ekspertët kanë hezituar ta operojnë, pasi ishte bërë kohë e gjatë dhe nuk mund të besonin se do të ketë sukses.
Por, duke parë se gjendja saj mund të rrëndohej në të ardhmen e afërt, vendosën që ta fusin në sallën e operimit. /Telegrafi/