Gjatë ditës së djeshme, krerët institucionalë fetarë në Maqedoni dhe Luginë të Preshevës, të udhëhequr liderët shpirtëror fetarë Reisul Ulema H. Sulejman ef. Rexhepi dhe ai i Luginës së Preshevës, pasi vizituan familjet e viktimave të aksidentit tragjik të Gostivarit, morën rrugë për një vizitë miqësore në Tiranë, me ç’rast takuan personalitete të shquara nga jeta institucionale, kulturore dhe kombëtare.
Qëllimi i kësaj vizite me karakter pune në Shqipëri, ishte përcjellja e mesazhit të Islamit, ky një mision i shenjtë për fuqizimin e dialogut, tolerancës dhe mirëkuptimit e mbi të gjitha vendosja e paqes në Ballkan, për t’i qetësuar mendjet dhe shpirtat e trazuar.
Disa njerëz duke u thirrur në këto vlera të larta njerëzor, i keqpërdorin ato për ineterse personale, familjare dhe partiake.
Vizita e liderit shpirtëror të shqiptarëve të Evropës Juglidore Reisi Sulejman ef. Rexhepi, i dekoruar nga administrata e shtetit më të fuqishëm në botë Amerika dhe presidenti i saj Trumpi, pastaj dekorimi nga presidenti i Shqipërisë Ilir Meta, nxiti Portalin Jetapress të shkruaj për këto vizita me karakter ndërshtetërorë e ndër-rajonal.
Në vazhdim të këtij takimi vëllazëror, u theksuan të nevojshme shkëmbimet e përvojave nga të gjitha fushat e veprimtarive shoqërore e politike, sidomos në momentet kur më shumë se kurrë lypset uniteti i faktorit relevant shqiptar përballë sfidave dhe proceseve me të cilat po ballafaqohet vendi në përgjithësi, njofton Jetapress.
