![auto_ivkovic-repcekova-1024x6551564780541](http://jetapress.com/wp-content/uploads/2019/08/auto_ivkovic-repcekova-1024x6551564780541-640x410.jpg)
Sekretarja e Shtetit e Ministrisë së Punëve të Brendshme e Serbisë, Biljana Popoviq, foli sot me ambasadorin sllovak, Dagmar Repçek për bashkëpunimin midis dy vendeve.
Popoviq dhe Repçek kanë folur për bashkëpunimin midis dy vendeve në fushën e punëve të brendshme, por pikë kryesore ka qenë edhe çështja e Kosovës.
Në këtë takim, Popoviq theksoi se Serbia vlerëson qëndrimin e Sllovakisë për mos-njohjen e Kosovës.
Ajo siç shkruajnë mediet serbe është shprehur se pranimi i Kosovës në INTERPOL do të rezultojë në politizimin e kësaj organizate profesionale.
Sipas Popoviq, pranimi i Kosovës në këtëo organizatë është shkelje e rëndë e ligjit ndërkombëtar, veçanërisht rezolutës 1244 të Këshillit të Sigurimit të Kombeve të Bashkuara.
Repçek tha se Sllovakia respekton argumentet e Serbisë.
Popoviq ka falënderuar Repçek për angazhimin e oficerëve të policisë sllovake si pjesë e projektit të përbashkët trajnues me policinë serbe dhe kontrollimin e përbashkët të kufirit me Bullgarinë dhe Maqedoninë e Veriut.
Fushata e Popoviq kundër Kosovës është vazhdim i fushatës së ashpër të Serbisë kundër shtetësisë dhe integrimit evropian të Kosovës.
Ministri i jashtëm serb, Ivica Daçiq gjithashtu ka filluar takimet intensive me ambasadorët e Serbisë në vende të ndryshme të Evropës për mobilizim në pengimin e Kosovës.
Në këto takime të Daçiqit me ambasadorë kanë qenë pjesë edhe ambasadori i Serbisë në Shqipëri dhe ai në SHBA.