![19247775_1999732673388298_6182414136405437593_n](http://jetapress.com/wp-content/uploads/2018/04/19247775_1999732673388298_6182414136405437593_n.jpg)
Pas marrjes së vendimit nga ana e Kuvendit Komunal, për shpalljen e zgjedhjeve në Bashkësinë Lokale të Tërnocit, të shtunën e 30 marsit, u zhvillua procesi i votimit, të cilit në mënyrë pozitive iu përgjigjën qytetarët e këtij vendbanimi nga më të mëdhenjtë, jo vetëm në nivel komune, por edhe më gjerë në shkallë rajoni.
Në hapësirat e Shkollës fillore tek lagja e Strukarëve, nga ora 9 e mëngjesit, u votua kryesia e re të Bashkësisë lokale e fshatit Tërnoc.
Portali informative “Jetapress”, mëson se me mbi 750 vota, Tërnoci zgjodhi udhëheqësinë e vet të re në përbërje prej 19 anëtarësh.
Procesit të votimit iu ka përgjigjur edhe kryetari i Komunës së Buanocit, Shaip Kamberi, i cili është me origjinë nga Tërnoci.
Për procesin e votimit, i cili kaloi i qetë e pa problem në mesazhet e urimit dhe falënderimit thuhet: “Të nderuar bashkëvendas Tërnocas,
Ju faleminderit për përkrahjen tuaj, që përmes verdiktit, zgjodhët pleqësinë e re të B. L. Tërnoc. Vota juaj, është obligim për gjithë ne, sikundër që ky besim na motivon për angazhime shtesë direkte në bashkësi. #LagjëmLagje, mbetet misioni ynë fisnik për t’u dëshmuar me punë në teren, të tjerët kanë kohë për prognoza e deklarata politike bajate! Ju faleminderit me përulësi./njofton jetapress/