![Screenshot_1-1-780x439](http://jetapress.com/wp-content/uploads/2018/08/Screenshot_1-1-780x439.jpg)
Tifozët e Juventusit kanë krijuar traditë duke i pritur të gjithë lojtarët e rinj që nënshkruajnë me klubin.
Por sot ka ndodhur një përjashtim, në transferimin e fundit të ‘Zonjës së Vjetër’.
Asnjë tifozë nuk ka qenë i pranishëm në aeroport në pritje të Leonardo Bonuccit.
Në qendrën mjekësore ku lojtarët e Juventusit kryejnë testet mjekësore ka pasur shumë pak tifozë në pritje të tij.
Mbrojtësi italian u rikthye me kërkesë të tij nga Milani pas një viti në këtë klub.
Tifozët bardhezi mbajnë ende inat me Bonuccin i cili u largua papritmas nga Juve, ndërsa në një ndeshje kundër tyre festoi si i çmendur një gol të shënuar.
Lojtari është dukur i lumtur në aeroport, por edhe duke i kryer testet mjekësore, ku i përfundoi me shumë sukses.
Tashmë klubi duhet të mendojë për rregullimin e marrëdhënieve mes tifozëve dhe lojtarit.
Familja e Bonuccit ka vazhduar të jetojë në Torino edhe pse lojtari ka luajtur në Milano. /Telegrafi/