Ballina Aktuale Zlatibor Lonçar: Certifikatat e vaksinës janë gati

Zlatibor Lonçar: Certifikatat e vaksinës janë gati

SHPËRNDAJE

Ministri i Shëndetësisë, Zlatibor Lonçar, deklaroi në Nish, më 24 shtator se Certifikatat e vaksinës janë gati, por që vendimi nuk është marrë ende.
“Ai vendim po diskutohet, po shqyrtohet dhe po kërkohet zgjidhja më e mirë,” u tha Lonçar gazetarëve gjatë një vizite në Qendrën Shëndetësore në Nish.
Ministri tha se të gjithë ata që kanë mundësi, duke iu drejtuar pronarëve të restorantit, nuk duhet të presin për këtë vendim, për të aplikuar, sepse bëhet fjalë për mbrojtjen e jetës dhe shëndetit të njerëzve.
Ai shtoi se do të jepte një propozim dhe u bëri thirrje të gjithëve që të qëndrojnë prapa tij.
“Unë i bëj thirrje të gjithëve pronarëve në Serbi që drejtojnë restorante, kafene që të tregojnë përgjegjësi dhe të thonë: “Vetëm personat e vaksinuar mund të hyjnë në kafenenë time”, tha ministri.
Lonçar shtoi se ai garanton që në atë mënyrë, përqindja e të vaksinuarve do të rritet me 10 deri në 15 për qind.
Kur u pyet se çfarë do të ndodhë nëse dikush padit pronarin e restorantit për shkak të një qëndrimi të tillë, Lonçar u përgjigj se ai do të marrë përgjegjësinë dhe do të jetë përgjegjës për secilin nga ata pronarë kur ata padisin. /Tanjug/Jetapress/