Ballina Lajme Nga Rajoni Tre projektet kryesore për Ulqinin, sipas Abazoviqit

Tre projektet kryesore për Ulqinin, sipas Abazoviqit

SHPËRNDAJE

Nuk ka më dimër me probleme për Ulqinin dhe gjithçka që do të bëjmë në periudhën e ardhshme, do të jetë një fillim i ri, tha kryeministri në largim i Malit të Zi, Dritan Abazoviq.

Delegacioni qeveritar, i kryesuar nga Abazoviq dhe shtatë ministra, sot kanë vizituar Komunën e Ulqinit.

Ai tha se Ulqini i udhëhequr nga kryetari Omer Bajraktari, “për vetëm gjashtë muaj u bë shembull pozitiv i menaxhimit”.

“Kur erdhën në pushtet kishin vetëm 15 mijë euro në llogarinë e tyre, sot kanë më shumë se 2.4 milionë euro. Nuk ka krizë financiare për qytetin. Shpresoj që Galebi ynë i vjetër, por me një petk të ri, të hapet brenda tre vjetëve. Do të jetë hotel me pesë yje, luksoz, modern, operatori i të cilit do të jetë një nga markat më prestigjioze në botë. Do të ketë 400 dhoma…”, tha Abazoviq.

Ai deklaroi gjithashtu se duhet të fillojë ndërtimi i “Otrantit” të ri.

“Do të jetë shumë bukur. Të tre projektet do të krijojnë 1000 vende të reja pune. Duam ta pastrojmë edhe kanalin e Port Milenës”, shtoi ai.

Ndryshe, Abazoviq është shkarkuar muaj më parë pas nënshkrimit të Marrëveshjes Themelore me Kishën Ortodokse të Serbisë.