Ballina Aktuale Vuçiq: Do të ketë ushqim dhe naftë mjaftueshëm në Serbi

Vuçiq: Do të ketë ushqim dhe naftë mjaftueshëm në Serbi

SHPËRNDAJE

Presidenti serb Aleksandar Vuçiq thotë se në Serbi do të ketë mjaft ushqim dhe naftë. Ai ka theksuar se Serbia nuk është në asnjë luftë dhe se do ta ruajë paqen dhe stabilitetin.

“Ju lutem të dashur qytetarë të Serbisë, mos u bini në provokime dhe budallallëqe që thonë se nuk kemi naftë, derivate të naftës, për të kontrolluar strehimoret, se nuk do të ketë ushqim të mjaftueshëm. “Do të ketë mjaft ushqim, benzinë ​​dhe gjithçka që na nevojitet në të ardhmen, sepse për këtë është kujdesur shteti përgjegjës dhe serioz serb”, ka thënë Vuçiq në një video të postuar në profilin e Instagramit “Buducnostsrbijeav”.

Sipas tij, nuk ka nevojë që qytetarët të nxitojnë askund, apo të kërkojnë ndonjë gjë të veçantë.

“Silluni normalisht, si çdo ditë tjetër, sepse ne do të ruajmë paqen dhe do të shohim se si ekonomia serbe përparon me shpejtësi”, tha Vuçiq.