Ballina Lajme Nga Bota Rusia pretendon se ka shkatërruar luftanijen “e fundit” të Ukrainës

Rusia pretendon se ka shkatërruar luftanijen “e fundit” të Ukrainës

SHPËRNDAJE

Rusia njoftoi sot se kishte shkatërruar anijen sulmuese amfibe Yuri Olefirenko në Odessa, në jug të Ukrainës, për të cilën Moska tha se ishte luftanija “e fundit” e Ukrainës që ende funksiononte.

“Më 29 maj, pas një goditjeje të forcave ajrore ruse me armë të precizionit të lartë në zonën e ngarkimit të anijeve luftarake në portin e Odessa, u shkatërrua luftanija e fundit e marinës ukrainase, “Yuri Olefirenko”. njoftoi Ministria e Mbrojtjes e Rusisë.

AFP nuk ishte në gjendje të konfirmonte në mënyrë të pavarur këtë informacion. Për momentin, Marina e Ukrainës nuk e ka komentuar njoftimin.

“Yuri Olefirenko” është një anije e cila njihej më parë si “Kirovograd”. Ajo u riemërua në vitin 2016 për nder të oficerit ukrainas, i cili u vra në 2015 pranë Mariupolit.

Në qershor 2022, presidenti ukrainas Volodymyr Zelensky dekoroi ekuipazhin e anijes për heroizmin e tyre në mbrojtjen e vendit.