Ballina Aktuale Ministrit të Brendshëm të Serbisë i dërguan tre plumba si kërcënim, reagon...

Ministrit të Brendshëm të Serbisë i dërguan tre plumba si kërcënim, reagon Vuçiç

SHPËRNDAJE

Një incident serioz ka ndodhur në Serbi, ku një zarf që përmbante tre plumba është dërguar në adresën e Ministrit të Brendshëm dhe Zëvendëskryeministrit Ivica Daçiç.

Ngjarja ndodhi këtë të premte, kur gjatë kontrollit të zakonshëm të postës në ndërtesën e qeverisë, një skanim me rreze X zbuloi përmbajtjen e dyshimtë të pakos.

Ministria e Punëve të Brendshme njoftoi se zarfi ishte dërguar dy ditë më parë nga Pozharevaci dhe se tashmë policia ka identifikuar dhe lokalizuar personin që e ka dërguar.

Presidenti serb Aleksandër Vuçiç reagoi publikisht për këtë ngjarje, duke thënë se ishte informuar nga vetë Daçiç për zarfin me plumba:

“Ivica më tregoi për ato tre plumba. Është pjesë e punës sonë të përditshme. Policia jonë ka njerëz të mrekullueshëm dhe shpresoj se do ta zbulojnë kush mendon se është shumë i zgjuar për të bërë diçka të tillë,” u shpreh ai gjatë një vizite në Rakovicë.

Detaje të mëtejshme për motivet apo identitetin e dërguesit ende nuk janë bërë publike.