“Raketë” nga SHBA mbi çadër/Përgjigja e fundit: Qeveria e Presidentit Trump nuk mbështet çadrën e PD-së.
Zedhenesi: Qeveria e SHBA mbështet zgjedhjet e lira, dekriminalizimin, luftën kundër narkotikëve. Asnjë nga këto arsye për të bojkotuar Parlamentin, bllokuar zgjedhjet, vonuar zbatimin e reformës në gjyqësor. SHBA: Nxisim dialogun mes qeverisë dhe opozitës për ti zgjidhur këto çeshtje. Merr fund ëndrra për qeveri teknike. Merr fund gënjeshtra me “mbështetje amerikane” për Lulzim Bashën dhe çadrën e tij
Në përgjigje të interesimit të Top Channel, ambasada amerikane në Tiranë tha se administrata e Trump nuk e mbështet protestën e Partisë Demokratike. SHBA apelon për dialog mes palëve.
Pas kthimit nga Shtetet e Bashkuara të Amerikës, Lulzim Basha ka deklaruar se ka marrë mbështetje për kauzën e opozitës, gjatë takimeve me zyrtare të administratës se Presidentit Trump si edhe me senatorë e kongresmenë.
Top Channel iu drejtua ambasadës së Shteteve të Bashkuara ne në Tiranë dhe e pyeti se në çadër zoti Basha duket se pretendon se ka mbështetjen e administratës Trump për protestën e PD. A është kjo e vërtetë?
Përgjigja e një prej zëdhënësve të Ambasadës ishte kjo: “Jo. Qeveria e Shteteve te Bashkuara mbështet zgjedhje të lira dhe të ndershme, dekriminalizimin dhe luftën kundër narkotikëve, por këto çështje nuk duhet të përdoren si shfajësime për të bojkotuar Parlamentin, për të bllokuar zgjedhjet, apo për të vonuar zbatimin e reformës së gjyqësorit. Nxisim dialogun midis qeverisë dhe opozitës për t’i zgjidhur këto”.