![13010795_725709214235694_58452331391161592_n](http://jetapress.com/wp-content/uploads/2017/10/13010795_725709214235694_58452331391161592_n.jpg)
Komuna e Bujanocit, kohëve të fundit, nuk është bërë vetëm qendër e zhvillimeve politike e diplomatike, por edhe një ambient joshës për donacionet vendore dhe ndërkombëtare.
Tashmë është bërë publik lajmi se delegacioni i Bashkimit Evropian, Ministria e shëndetësisë, pastaj Ministria e Punës, si dhe Zyra për integrime evropiane, kanë aprovuar kërkesën e Komunës së Bujanocit për blerjen e një kamioni të ri me kapacitet 12 tonelata për grumbullimin e mbeturinave dhe projektin e hapjes së pusit dhe sanimin e gjendjes së përmirësimit të furnizimit me ujë të Lagjes së Strukarëve në Tërnoc.
Këto projekte shumë vitale për qytetarët e Komunës së Bujanocit, shmangin problemet e furnizimit me të pijshëm në Lagjen e Strukarëve, si dhe me sigurimin e një kamion 12 tonësh për grumbullimin e mbeturinave, do të lehtësojnë bartjen e hedhurinave nga vendbanimet e tjera për t’u kyçur në sistemin e organizuar të mbeturinave nga ana e NP “Komunalia”, njofton jetapress.