![auto_UN-Kshilli-i-Sigurimit15234238381523423850](http://jetapress.com/wp-content/uploads/2018/04/auto_UN-Kshilli-i-Sigurimit15234238381523423850.jpg)
Këshilli i Sigurimit i OKB-së, ka hedhur poshtë një rezolutë ruse që do të kishte krijuar një trup të ri ekspertësh për të përcaktuar përgjegjësinë për sulmet e armëve kimike në Siri.
Shtatë anëtarë të këshillit, përfshirë SHBA, Britaninë dhe Francën, votuan kundër propozimit dhe dy të tjera shtete abstenuan.
Ambasadorja e SHBA-së në OKB, Nikki Haley tha se projekt-rezoluta nuk ishte e paanshme apo e pavarur pasi ajo do të lejonte Rusinë të vërë veton për hetuesit dhe stafin për trupin e ri – dhe për të bllokuar gjetjet e saj.
Ajo akuzoi Rusinë, një aleate të ngushtë të qeverisë siriane, pasi sipas saj mbron vazhdimisht Presidentin Bashar Assad në vend që të punojë për unitetin e Këshillit të Sigurimit.