![261146-7ACJ7FVrRF](http://jetapress.com/wp-content/uploads/2018/04/261146-7ACJ7FVrRF.jpg)
Kur ke limonë në shtëpi, ideja më e mirë është të bësh limonatë, sidomos me recetën e sugjeruar.
Merrni një enë qelqi dhe hidhni në të lëkurën e një limoni të plotë të larë mirë.
Më pas, agrumet shtrydhini deri sa të mbushni një gotë e gjysmë me lëng.
Hidheni lëngun në enën e caktuar për limonatën. Në një tenxhere të vogël hidhni sheqerin dhe ujin.
Lëreni të ziejë deri sa të shkrihet plotësisht. Shurupin e formuar shtojeni në enën e limonatës dhe lëreni të ftohen dhe të kombinohen së bashku.
Në këtë pikë, keni përfituar një koncentrat të mirëfilltë. Më pas, ju nevojitet një gotë me këtë koncentrat, 3 gota me ujë dhe kohë e lirë për të shijuar frutin e punës suaj.
Koncentratin mund ta hidhni edhe në një kavanoz të personalizuar dhe ta bëni dhuratë.
Koncentrati i limonatës i bërë në shtëpi
Një gotë e gjysmë me sheqer, këshillohet sheqer kaf
Një gotë e gjysmë me ujë
Lëkura e grirë e një limoni të plotë
Një gotë e gjysmë me lëng limoni të freskët
Çaj me limon dhe xhenxhefil
Ky çaj pak pikant është i mbushur me vitaminë C dhe përbërës që luftojnë bakteret dhe inflamacionin.
Në një enë me 250 ml ujë zjeni pak xhenxhefil të prerë në feta (reth 2-3 cm xhenxhefil). Lëngut të përftuar shtojini një lugë lëng limoni.
Çaji është tepër i mirë për të luftuar të ftohtin dhe virozat. Nëse preferoni, shtoni pak mjaltë, një produkt ideal për të luftuar mikrobet./AgroWeb.org