Presidenti amerikan Donald Trump ka shtruar iftar në Shtëpinë e Bardhë, me rastin e muajit të shenjtë të Ramazanit.
Trump u ka uruar myslimanëve në mbarë botën agjërim të lehtë, dhe siç raporton AP, me këtë lëvizje ka befasuar komunitetin mysliman, për faktin se gjatë vitit të nuk e kishte bërë një gjë të tillë, transmeton Telegrafi.
Para iftarit ai i është drejtuar të pranishmëve, komunitetit mysliman në SHBA dhe në mbarë globin me një porosi.
“Jemi mbledhur sonte, të respektojmë traditën e njërës nga fetë më të mëdha në botë”, u është drejtuar Trump të pranishmëve, në mesin e të cilëve ishin edhe ambasadorët të vendeve myslimanë, Arabisë Saudite, Kuvajtit, Jordanit dhe Emirateve të Bashkuara Arabe.
Iftari organizohet në Shtëpinë e Bardhë qysh nga administrata e ish-presidentit Bill Clinton, kurse këtë traditë e kishte ndërprerë vitin e kaluar Trump.
