![1534787763-ronaldo-modric-salah-candidatos-al-jugador-ano-uefa-1068x561-780x439](http://jetapress.com/wp-content/uploads/2018/09/1534787763-ronaldo-modric-salah-candidatos-al-jugador-ano-uefa-1068x561-780x439.jpg)
Shtëpia më e madhe e futbollit në botë, FIFA do ta japë çmimin për lojtarin më të mirë të vitit.
FIFA do të ndajë shpërblimin ‘The Best’ sonte në mbrëmje, ndërsa tre është numri i finalistëve.
Mesfushori kroat Luka Modric është futur për herë të parë në mesin e finalistëve pas triumfit me Realin në Ligën e Kampionëve dhe arriti ta dërgojë Kroacinë deri në finale të Kampionatit Botëror.
Në mesin e finalistëve është edhe i përhershmi Cristiano Ronaldo.
Ylli i Juventusit pati një vit të jashtëzakonshëm, por ende nuk e ka konfirmuar pjesëmarrjen në këtë ceremoni.
Finalisti i tretë është egjiptiani Mohamed Salah që gjithashtu pati një vit personal shumë të mirë.
Edhe për egjiptianin është hera e parë në karrierën e tij që ka arritur të futet në mesin e finalistëve.
Ndërkohë në këtë ceremoni nuk do të jetë Lionel Messi edhe pse fillimisht e kishte konfirmuar pjesëmarrjen.
Barcelona ka konfirmuar se Messi nuk do të jetë në ceremoni pas një të papriture në familjen e tij, por që klubi katalunas nuk ka zbuluar detaje se çfarë ka ndodhur në familjen e argjentinasit. /Telegrafi/