Pas tre ditësh PD tërhiqet, kërkon falje për gjithçka bëri të shtunën. Ja deklarata e Bardhit pas atyre të ambasadave

Sekretati i pergjitshem i PD-se, Gazmend Bardhi ka dale ne nje deklarate per mediat ku ka folur per dhunen qe u ushtrua nga militantet ndaj policise, gazetareve dhe kercenimet ndaj ambasadorit te OSBE ne Tirane.

Fill pas deklaratave te ambasadave te akredituara ne Tirane qe denonin aktet e renda dhe benin pergjegjes Bashen e Kryemadhin (duke filluar nga ajo e SHBA per te vazhduar me ate Gjermane, Britanike, Italiane etj), tre dite pas kaosit e trazirave qe shkaktuan, PD ka dale dhe ka kerkuar ndjese publike duke u terhequr per gjithçka beri te shtunen.

Duke folur per kercenimin ndaj ambasadorit te OSBE, Bardhi e pasoi topin te LSI kur tha se ‘prokuroria te hetoje personat qe kryen ate akt te shemtuar’.

Thene te gjitha keto, PD-se iu deshen tre dite per te ‘kuptuar’ se trazirat, dhu na e shkaterrimi nuk jane rruga e duhur. E te gjitha keto i mesuan nga ambasadat e huaja, por edhe nga reagimet qytetare qe jane shprehur masivisht kunder llojit te protestes qe Basha e Kryemadhi po zhvillojne.

Deklarata e Sekretarit te Pergjithshem te PD, Gazment Bardhi

Partia Demokratike dënon me ashpërsi deklaratën e Minstrisë së Brendshme si një deklaratë që nxit dhunë dhe nuk i shërben stabilitetit të vendit.

Qeveria që qëndron në pushtet me votat e blera nga krimi i organizuar dezinformon dhe mashtron opinionin publik për qëllimin e protestës së opozitës. Dhuna nuk është dhe nuk do të jetë kurrë qëllim dhe as mjet i Partisë Demokratike.

Deklaratat e Ministrisë së Brendshme se Partia Demokratike ka prodhuar dhe ka shpërndarë bomba molotov për protestën e sotme janë një sajesë e neveritshme, që synojnë përplasje, konflikt dhe frikë tek qytetarët.

Partia Demokratike ka thirrur sot një marshim proteste të gjithë qytetarëve kundër dhunës, për Shqipërinë si gjithë Europa.

I sigurojmë qytetarët se Partia Demokratike është e angazhuar vetëm për protestë paqësore. Partia Demokratike është parti e lirisë dhe e vlerave europiane dhe euroatlantike, ajo ka refuzuar dhe refuzon dhunën dhe bashkëpunimin me krimin për të ardhur në pushtet. Është e dënueshme çdo përpjekje propagandistike e qeverisë për ta kundërvënë Partinë Demokratike me partnerët tanë, si në rastin e mbishkrimeve në banesën e ambasadorit të OSBE-së. Ne i kërkojmë prokurorisë të zbulojë kush janë autorët e këtij akti të shëmtuar dhe t’i vërë ata paërpara përgjegjësisë.

 
Dhuna është mjeti kryesor me të cilin Rama mban pushtetin, duke goditur qytetarët e pambrojtur. Është Edi Rama ai që nxorri me gaz lotsjellës nga shtëpitë banorët tek bregu i Lumit, që kërcënon banorët e Astirt me shkatërrimin e shtëpive, që ka futur në burgje mbi 10 mijë qytetarë që nuk paguajnë dot energjinë elektrike, që u ka hequr bukën e gojës mijëra të tjerëve. Ky është zemërimi në rritje i mijëra e mijëra qytetarëve të tjerë, të poshtëruar e të dhunuar nga regjimi I Edi Ranës.

Partia Demokratike është e vendosur të mos bëjë asnjë hap prapa për të drejtën themelore politike të njerëzve të lirë, votën e lirë, të pandikuar nga krimi dhe korrupsioni, njësoj siç ndodh në Shtetet e Bashkuara të Amerikës, në Britani, Francë, Gjermani, Itali dhe kudo.

Protestat tona i shërbejnë vetëm këtij qëllimi. Ne jemi distancuar nga dhuna dhe e kemi dënuar atë që gjatë protestës së 11 Majit. Mediat kanë transmetuar live thirrjen e Kryetarit të Partisë Demokratike Lulzim Basha për protestuesit, që të mos cënojnë asnjë polic në krye të detyrës.

Skenarët kriminlaë të Edi Ramës, pengimi I së drejtës për të protestuar për opozitës dhuna dhe terrori mbi protestuesit nuk kanë për të na ndalur. Beteja jonë është për Shqipërinë si gjithë Europa, prandaj ne kemi mbështetjen e shumicës së shqiptarëve të ndershëm.