Ballina Sport Bayern Munih ka shumë pak mundësi për ta blerë Haalandin

Bayern Munih ka shumë pak mundësi për ta blerë Haalandin

SHPËRNDAJE

Bayern Munih ka shumë pak mundësi për ta blerë Erling Haalandin në vitin 2022, sipas ish-shefit ekzekutiv të klubit Karl-Heinz Rummenigge, i cili thotë se do të jetë e vështirë që sulmuesi i Borussia Dortmundit të mbahet në Gjermani.

Aftësitë mahnitëse të Haalandin në zonë gjatë 18 muajve të tij në Dortmund kanë bërë që ai të cilësohet si sulmuesi i ri më i talentuar i gjeneratës.

Prandaj nuk është çudi që një numër i madh klubesh evropiane kanë shfaqur interesim për të.

Bayerni është në mesin e klubeve për të cilat është përfolur se e duan 21-vjeçarin.

Gjiganti gjerman ka histori për joshjen e lojtarëve të Dortmundit, por Rummenigge pret që klubi i ardhshëm i norvegjezit të jetë larg Gjermanisë.