![Nicolas-Cage-780x439](http://jetapress.com/wp-content/uploads/2018/04/Nicolas-Cage-780x439.jpg)
Nicolas Cage është një ndër aktorët me më së shumti filma në botën e industrisë së hollivudit.
Por, duket se aktori është lodhur duke qëndruar para kamerave të xhirimeve filmike dhe po mendon që të tërhiqet.
Në fakt, ai po mendon që edhe tre-katër vjet të merret me aktrim dhe më pas të fillojë punën si regjisor i filmave.
“Në realizim dhe regji, po, do u kthehem”, ka thënë fituesi i çmimit Oscar. “Kompania ime, Saturn Films, është përfshirë në gjithë filmat që po i realizoj tani”.
“Regjia është diçka që do ta bëj në fund të kësaj rruge sepse tani jam performues filmash”, ka thënë Cage që fitoi çmimin Oscar në vitin 1996 për rolin e tij në filmin “Leaving Las Vegas”.
“Do të vazhdoj aktrimin për tre apo katër vjet pastaj do të përqendrohem në regji”, ka thënë veç të tjerash ylli i filmit. /Telegrafi/